LAOAG CITY – Nagpasagid manen ni dati a Presidente Rodrigo Roa Duterte a ‘veering towards a dictatorship’ ti administrasion ni Presidente Ferdinand Marcos Jr. iti nagbalin nga immuna a rakurak daytoy iti Cebu Indignation Rally idi Sabado.
Segun iti dati a Presidente, saanna a makita a bumaba iti posision ni Marcos no nalpaston ti terminona kas Presidente inton 2028 nga inyarigna ti dati a Presidente iti panawen ni Marcos Sr. iti babaen ti martial law.
Kunana a kas ti ama ni Marcos, mangipatungpal met ti Martial Law ni Marcos ket maikabil manen iti riribok ti pagilian gapu ta maipagarup nga ipawilna iti babaen daytoy ti eleksion.
Kageddan daytoy ket nakisarita ti dati nga opisial kadagiti kapulisan nga agaramid dagiti moral a desision ken saan laeng a basta a sumurot.
Mangipaay ti atension dagitoy ken ammoen a kanayon no ania ti umiso ken saan.
Kabayatanna, ti nagbalin a people’s rally idiay Cebu ket saan laeng a paset ti panagkampania ti partido ni Duterte ngem maisupadi pay iti impeahment ni Vice President Sara Duterte.
