LAOAG CITY – Saan pay a sigurado no agatendar ni dati a Presidente Rodrigo Duterte iti Senate probe maipanggep iti war on drugs, maibasar ken ni Senate Minority Leader Aquilino “Koko” Pimentel III.
Nupay kasta inpalgak ni Sen. Pimentel a nasaysayaat no iyuray lattan ti agbalin a desision ti dati a Presidente tapno naan-anay a maammoan ti sumaruno nga addangna.
Maisupadi met daytoy ti nagbalin a rakurak ni Sen. Ronald dela Rosa a nangibaga nga agatendar ni Duterte iti imbestigasion inton Lunes.
Malaksid ken ni Duterte, inimbitaran pay ti Senado ti retirado a pulis a ni Royina Garma nga immuna a nagtestigo iti House Quad Committee seknan iti maipagrup a “Davao model” no sadinno a maipagarup a maipapaayan ti “rewards” dagiti nakapatay kadagiti mapagat-atapan a karaman iti ilegal a droga.
