LAOAG CITY – Apagapaman a limmukmeg ken napigsa manen ti tumeng ni dati a Presidente Rodrigo Duterte a manarimaan a nakabalud iti International Criminal Court (ICC) facility idiay The Hague, Netherlands.
Daytoy ti inrakurak ni Davao City 1st District Rep. Paolo Duterte iti naudi a panagbisitana iti amana.
Inbatadna a no idi dati ket naipadamag a kumutkuttong ti amana ngem ita ket limmukmeg ken maragsakan isuna a napigsa manen dagiti tumeng daytoy nga ang-angalenna a nasakit.
Nagyaman isuna kadagiti nurse ken doktor a mangtamtaming iti amana.
Sinelebraran ni dati a Presidente Duterte ti maika-81 a panagkasangayna idi Marso 28 a basar iti pamilia ken dagiti kaalyadona ket daytoy ti kaladingitan a panagkasangayna.
