LAOAG CITY – Kinumpirmaran ti International Criminal Court (ICC) Pre-Trial Chamber I ti amin a kaso a naipila kontra ken ni dati a Presidente Rodrigo Roa Duterte, mainaig ti maipagarop a crimes against humanity of murder a napasamak iti babaen ti kampanya na kontra iti illegal a droga.
Basar iti International Criminal Court, umdas ti ebidensiya nga indasar ti Office of the Prosecutor tapno maituloy ti panangusig iti dati a presidente.
Karaman kadagiti kaso a kinumpirmaran ti International Criminal Court ket ti tallo a bilang ti crimes against humanity a maipagarop nga addan ti 78 a biktima ti extrajudicial killings iti Pilipinas.
Kalpasan ti desisyon, pormalen nga inlungalong ti panangusig ken ni Duterte iti The Hague, Netherlands.
Ti nasao nga addang ket kalpasan ti immunan a ruling ti Appeals Chamber a nangpatibker iti hurisdiksiyon ti International Criminal Court kadagiti krimen a napasamak sakbay a nagikkat ti Pilipians iti Rome Statute idi 2019.
