LAOAG CITY – Pimmusayen ni dati a Presidente Benigno “Noynoy” Aquino III iti tawen na a 61.
Iti inisyal nga impormasyon, itay bigat ket naitaray iti Capitol Medical Center iti ciudad ti Quezon ti dati a presidente gapo iti sakit.
Naamoan pay a sipud pay 2019 ket agsagsagaba ni dati a presidente Aquino ti sakit.
Ni Aquino ket nagserbi manipud tawen 2010 agingga iti tawen 2016 ken isu ti maika-15 a presidente ti Pilipinas.
Kalpasan ti termino na ket saan unayen a nakitkita iti publiko ken nagbalin a naulimek mainaig kadagiti nagduduma nga isyu.
Agpapan maisursurat ti damag ket awan pay ti opisyal nga statment ti pamilya Aquino mainaig iti daytoy.
