LAOAG CITY – Inakusaran ni dati a presidente Rodrigo Duterte ti agdama nga administrasion a nanglapped iti rally kontra iti gobierno idi Mayo 25, ngem kinuna dagiti nangorganisar a napilitanda a mangkanselar iti nasao nga aktibidad gapu iti Tropical Storm Aghon.
Kinuna ni Duterte a saan a daytoy ti umuna a gundaway a pinadas ti gobierno a pasardengen dagiti umasping a rally, no sadinno ket napasamak pay idiay Bulacan ngem napaayda nga ikansela iti Davao City, Cebu City, Tagum, Davao del Norte ken Dumaguete City.
Ti rally idiay Tacloban ket orihinal a nai-skedyul idi Sabado, Mayo 25, ngem kinuna ti nangorganisar iti nasao nga aktibidad, ti TAPS Coalition, nga awan ti pagpilianda no di ti panangkanselar iti nasao nga aktibidad gapu iti Bagyong Aghon.
Gapu iti daytoy ket impaganetget ni Duterte ti importansya ti free expression, tapno malawlawagan dagiti umili, ken mamati to dati a presidente a kurang ti pagilyan iti transparency, accountability, peace ken security.
Saan metten a dinakamat ni Duterte ti bagyo no di ket pinabasolna ti inconvenience dagiti nag-organisar.
