LAOAG CITY – Saan a napan nagatendar a mismo ni dati a Presidente Rodrigo Duterte iti courtroom para iti initial hearing iti International Criminal Court iti The Hague, Netherlands.
Basar iti court spokesperson, nakipaset ni Duterte ti proceedings babaen iti video link.
Iti naiyuswat a pre-trial mainaig iti kaso ti dati a presidente a crimes against humanity ket nasaludsud laeng kenkuana ti sibubukel a nagan, nakaiyanakan ken ti petsa ti pannakaipasngay na.
Ni laeng dati nga Executive Secretary Salvador Medialdea ti simmango iti courtroom kas legal counsel ni dati a Presidente Duterte.
Immunan a kiniddaw ni Medialdea a maitantan koma paylaeng ti pre-trial gapu ta saan da pay a nakapagsarita a naimbag ken ni dati a Presidente Duterte ngem saan a pinatgan ti korte.
Iti palawag ni Presiding judge Iulia Motoc ket saan a kasapulan ti naan-anay a preparasyon para iti pre-trial.
Kabayatanna, inpakaammo ni Motoc a ti commencement ti confirmation of charges hearing para iti kaso ti dati a presidente ket intono Setyembre 23, 2025
