LAOAG CITY – Nasentensyaan a mabalud ti lima a tawen ni dati a President Lenín Moreno iti Ecuador kalpasan a napaneknekan a guilty iti panagawat ti pasuksuk.
Nupay kasta, inpetteng ni Moreno nga awan pulos ti innala na a kwarta manipod iti Chinese firm a nakaala ti kontrata para iti pannakaipasdek ti hydroelectric plant iti Latin American nation.
Iserbi ti agtawen ti 73 a dati a presidente ti sentensya na babaen ti house arrest gapu iti kinataeng nan ken kaadda ti rangkap ti bagina.
Mainaig iti daytoy, plano pay ti kampo ti dati a presidente nga iyapela ti sentensya na kalpasan a napaneknekan iti korte iti ciudad ti Quito nga isuna ket ti 19 a sabsabali pay ket guilty iti korapsyon.
Ni Moreno ket nagserbi a presidente iti Ecuador manipod 2017 agingga iti 2021, ken isuna ti maikatlo a dati nga Ecuadorian leader a nasentensyaan gapu iti korapsyon.
