LAOAG CITY – Inpaganetget ni Senador Risa Hontiveros a piliten nga agsubli ditoy Pilipinas ni dati a Presidential Spokesperson Harry Roque.
Daytoy ket kalpasan nga inisyuan ti Korte ti arrest order da Roque ken Whirlwind Corp. Incorporator Cassandra Li Ong mainaig iti panaglabsing iti Anti-Trafficking in Persons Act gapu kadagiti iligal nga aktibidad iti Philippine Offshore Gaming Operator (POGO) idiay Porac, Pampanga.
Inbatad ni Hontiveros, no saan nga agsubli ditoy pagilian ni Roque ket saan laeng daytoy a panangliklik iti arrest order iti Kongreso no diket panaglabsing met iti pammilin ti Korte.
Inlawlawag ti Senadora, abugado ni Roque isu nga ammona a biddot ti ar-aramidenna a panangliklik iti linteg.
Kunana a malaksid kada Roque ken Ong ket karaman pay a naisyuan ti arrest order ti ninong ni Cassie a ni Duanren Wu nga adda ti pakainaiganna met ken ni Li Duan Wang, ti Chinese junket operator a nanggandat a mangala ti Filipino citizenship.
Nagpanawagan ni Hontiveros a siguradoen a mapagsungbat dagitoy ken sigurado nga agbalbaliwda laeng ti pakabigbiganda tapno makabiktima kadagiti Pilipino.
