LAOAG CITY – Tinagabassit laeng ni dati a Presidential spokesperson Harry Roque ti libel ken cyber libel case nga inpila ni dati a Senador Antonio Trillanes IV.
Kunana a kalkalabanen laeng ni Trillanes ti freedom of expression.
Inbatadna nga agpappapansin laeng ti dati a Senador gapu ta adda ti planona nga agpaidasig iti masungsungad nga eleksion.
Maipalagip a nangipila ti kaso ni Trillanes nitong idi kalman, aldaw ti Martes kontra ken ni Roque gapu iti panangipaay iti China ti Scarborough Shoal iti babaen ti backchannel talks idi 2012.
Malaksid ken ni Roque ket kinasoanna pay ti vlogger a ni Banat By ken ti Sonshine Media Network International.
