LAOAG CITY – Maysa a nalatak a motorcycle grand prix racer ti innem a tawenen nga agbibiahe iti nagduduma a pagilian kabayatan a sisasaka.
Ni Axel Pons ket dati a Moto2 racer ken anak ti nalatak a MotoGP champion a ni Sito Pons. Naan-anay nga inbatina ti career kas racer tapno agbiahe iti nagduduma a paset iti intero a lubong.
Iti uneg ti innem a tawen, nagbiahe ni Axel nga awan ti aniaman a tsinelas wenno sapatos. Manipud iti pagilian nga Spain, ti laeng intugotna ket ti backpack ken mamati a tuggal asdangna ket maiyasideg isuna iti Dios ken iti aglawlaw.
Iti kallabes, nagbalin a napagsasaritaan ni Axel kalpasan a nakita isuna idiay Pakistan a magmagna.
Naammoan a saan a nakapan isuna idiay India gapu iti visa issues, planplanoenna nga agturong idiay China kas alternatibo a ruta.
