LAOAG CITY – Inpakammo ni Ombudsman Jesus Crispin Remulla a karaman ni dati nga Ako Bico Representative Zaldy Co ken dadduma pay a kongresista iti ummuna a batch ti flood control cases a maipila iti Sandiganbayan intono bulan ti Nobyembre.
Segun kenni Remulla, dakkel ti pammati na a karaman ti nagan ni Co iti ummuna a batch ti kaso.
Kunana pay nga ado a nagan ti kongresista ti adda iti listaan ti mapilaan ti kaso.
Ni Co ti dinakamat dagiti dati a district ken assistant engineers a nagtestigo iti budget insertions a P35-bilyon manipud 2022 agingga iti 2025 kasta met ti anomalya iti flood control projects idiay Bulacan.
