LAOAG CITY – Naideretso a dagus ni dati a Congressman Arnie Teves iti National Bureau of Investigation (NBI) office iti Pasay City apaman a nagdisso ti nagluganan na nga eroplano iti Villamor Air Base iti oras ti alas-11:50 idi rabii.
Dimmalan met dati a kongresista ti booking procedure ken medical examination, ken kalpasan kadagitoy ket naipadalan a dagus ti mugshot.
Naipalubos a nagtalinaed ni Teves iti NBI Office tapno makainana kalpasan ti atiddog a panagbiyahe da mnipod idiay Timor-Leste sakbay a maiyakar iti jail facility ita nga aldaw.
Immunan nga inpalgak ti legal counsel ni Teves a ni Atty. Ferdinand Topacio ti pannakadismaya na gapu ta saanda a pinalubusan a simrek iti uneg ti National Bureau of Investigation Office tapno makita ken makasarita koma ti kliyente na.
