LAOAG CITY – Kumpiyansa ni dati a senadora Leila De Lima nga agtungpal iti acquittal wenno dismissal ti nabatbati a drug case a sangsangwen na.
Inrakurak daytoy ti dati a senadora sumagmamano nga aldaw kalpasan a pinatgan ti korte ti inpila da a bail petition no sadinno a temporaryo a nawaya-wayaan kalpasan a nagpiyansa ti 300 a ribo a pisos.
Inlawlawag ni De Lima a daytoy ket gapu ta nakapuy dagiti ebidensya a maibatbato kontra kenkuana no sadinno nga uray dagiti testimonya iti kaso na ket awan ti kredibilidad na.
Malaksid iti daytoy, inpalgak pay ni De Lima a no pagibasaran ti nagbalin a desisyon ti korte mainaig iti bail petition na ket rebbeng koma a maaddaan ti bukod a konklusypn nga i-dismiss wenno i-acquit ti kaso na.
Maipalagip nga immunan nga inbatad ni dati a Malakanyang Palace spokesperson Harry Roque a ninamnama nan ti posibilidad a maibasura ti naudi a kaso ni De Lima.
