LAOAG CITY – Inawagan ni dati a United States President Donald Trump a “bad people” dagiti mangak-akusar kenkuana.
Daytoy ti inbatad ni Trump kalpasan ti conference a naiwayat iti Trump Tower idiay Manhattan.
Maipalagip nga immuna a napaneknekan a nagbasol isuna iti 34 counts gapu iti panangpeke na kadagiti business records-na.
Iti panagbitla ni Trump, impasiguradona nga ag-apela isuna iti historic conviction-na.
Kunana a no maaramidda kenkuana daytoy ket saan a posible a mapasamak iti sabali a tao.
Inpetteng ni Trump a dagiti kaso a naipila kontra kenkuana ket politically orchestrated ken ti pannakabista na ket maipagarop a planado.
Gapu iti daytoy a sangsangwen ti dati a United States President, ket nakaurnong isuna iti agarop $35-million nga online donations kalpasan ti pannakakonbiktarna.
