LAOAG CITY – Manamnama a mangidatag ti Federal prosecutors ti sabali manen a reklamo kontra ken ni dati a Venezuelan President Nicolás Maduro ken ti asawa na a ni Cilia Flores.
Basar iti report, dagiti baro a reklamo ket mainaig ti maipagarop a nagbalin nga akem dagiti agasawa iti pannakaparparigat dagiti amerikano a nabalud kadagiti pagbaludan idiay Venezuela.
Maipalagip a kinemmeg ti US forces da Maduro ken Flores iti mismo a compound da iti ciudad ti Caracas idiay Venezuelan idi Enero 3 ita a tawen, ken inkabil da dagitoy idiay New York tapno sangwen dagiti kaso gapu iti maipagarop a panagikot da ti ado apaltog ken drug offences, a naiget a naglikudan dagiti agasawa.
Ti asawa ti dati a Venezueln President a ni Flores, a sumangsango ti drug trafficking ken weapons charges, ket naikeddeng a dumatag iti federal court para iti bond hearing idiay New York.
Naikeddeng met a mangrugi a maiyuswat ti trial para kadagiti Maduro ken Flores intono Hunyo 2027.
