LAOAG CITY – Nasentensyaan ti dusa a patay ni dati a Democratic Republic of Congo President Joseph Kabila gapo iti war crimes ken treason.
Karaman iti kaso ket ti akusasyon a supsupotaran ni Kabila ti M23, ti rebel group a mangar-aramid ti kinadamsak iti eastern region ti pagilyan.
Nakumbiktaran ni Kabila ti military court of treason, crimes against humanity, ken war crimes pakairamanan ti murder, sexual assault, torture ken insurrection.
Naiget met a naglikudan na dagiti alegasyon ngem saa a pulos a nagparang iti korte tapno dependaran na ti bagbagi na.
Nupay kasta, ummunan nga inbatad ti dati a president e a ti kaso ket maibilang nga “arbitrary” ken kunana a maus-usar ti korte kas instrumento ti oppression.
Iti agdama ket awan ti makammo no eksakto a lokasyon ti dati a presidente.
