LAOAG CITY – Nakemmeg ti maysa a dati a kameng ti militar bayat ti naisayangkat a buy bust operation iti paset amyanan a laod ti Marcos Stadium, iti Bgy. 3 iti ciudad ti laoag babaen dagiti kameng ti PNP Laoag.
Nabigbig ti suspek a ni Paul Francis Antonio, alyas Francis, agtawen iti 35, naasawaan, self employed, dati a kameng ti Intelligence Service Armed Forces of the Philippines–Military Intelligence Group 1 wenno ISAFP-MIG 1, ken residente iti Brgy. 3 Loing, iti ili a Piddig, maysa pay a drug surrenderer ken adda iti watchlist iti PNP ti Piddig.
Nakemmeg ni Antonio kalpasan a linakwan na ti police-poseur buyer ti maysa nga small sachet a maatap a naglaon ti shabu nga agbalor ti 500 a pisos
Malaksid dayta, nakumpiskar pay iti ikot ti suspek ti pito a plastic sachet a naglaon ti shabu; maysa a 500 Peso bill; dua a cellphone; 90 a pisos a personal money; maysa a wallet; ken Yamaha Mio Sporty motorcycle.
Mapattapatta nga agdagsen ti 1.32 grams ti nakumpiskar a shabu nga agbalor ti agarup 13,200 a pisos.
Ti suspek ket nagtalinaed iti kustudyar ti PNP Laoag.
