LAOAG CITY – Nagriri ti dati nga agasawa kabayatan ti panagbubutos iti Pias-Gaang Elementary School iti ili ti Currimao.
Nabigbig ti suspek a ni alyas Elmer a residente ti Barangay Victoria iti ili ti Currimao idinto a nabigbig ti biktima a ni alyas Sandy a residente ti Barangay Gaang iti nasao met laeng nga ili.
Basar iti impormasion ti Bombo Radyo Laoag News Team, manarimaan ti panagbubutos dagiti botante iti nasao a Voting Center idi a kellaat nga adda dagiti naruay a tattao nga agpukpukkaw.
Mainaig iti daytoy, inbatad ni alyas Elmer a ginandatna a bagkongen ti datina nga asawa babaen ti kitchen knife nga agatiddog ti walo a pulgada.
Inbatadna a ginandatna a papatayen ti datina nga asawa kalpasan nga insukat isuna ti asawana iti sabali a lalaki manipud idiay Pangasinan.
Kabayatanna, inlawlawag met ni alyas Sandy nga insinana ti asawana gapu ta nabayagen a dangdangran isuna ti asawana kabayatan ti panagdennada a dua kas agasawa.
Naammoan a nabartek ti suspek idi aramidenna ti pananggandatna a bagkongen ti biktima.
