LAOAG CITY – Natiliw ti maysa a lalaki a dati nga agent ti CIDG babaen ti operasyon dagiti kameng ti PNP ditoy siudad ti Laoag.
Nabigbig ti natiliw a ni Eufrocinio Savaldor y Eugenio, agtawen ti 69, awanan asawa ken residente ti Brgy 1 San Loprenzo iti nasao a siudad.
Naala dagiti otoridad ti maysa a kalibre 9mm paltog, walo a bala, nasurok 36,000 a pisos, tulbek ken, expired nga I.D ti CIDG.
Segun ti palawag ni Salavador, saan na a kukua ti paltog gapu ta sinalda na laeng daytoy manipud iti maysa a fixer iti paset na ti Land Transportation Office iti balur a 5,000 a pisos.
Kuna na nga intugot na ti nasao a paltog tapno agserbi a pangsalaknib ti bagi na gapu ta amangan ket dangran dagiti singiren na.
Iti agdama, maisagsaganan ti reklamo a maipila kontra kenni Salvador.
