LAOAG CITY – Immawat ti pasuksuk a kuarta ken sanikua nga agbalor ti sumurok 268 million yuan wenno katukad ti $38 million iti nagbaetan ti tawen 2007 ken 2024 ni dati nga Agricultural Minister Tang Renjian.
Basar iti People’s Court of Changchun iti northeast Jilin province, nagresulta ti nasao a panagpasuksuk ti “severe losses” iti interest ti estado ken dagiti umilida.
Kunana nga inadmitir ti dati a top official ti inaramidna a krimen ken nangipeksa ti panagbabawi.
Naammoan a ti panangsentensia ken ni Tang ti kabaroan iti naiget a kampania ni Chinese President Xi Jinping kontra iti maanomalya a nangpabagsak kadagiti sumagmamano a nangangato nga opisial.
Immuna iti daytoy, nasentensiaan ti dusa a patay ti dati nga Agricultural Minister ti China gapu iti korapsion.
