LAOAG CITY – Inpaayan ni Department of the Interior and Local Government (DILG) Secretary Jonvic Remulla ni dati nga Ako-Bicol Partylist representative Zaldy Co ken dagiti 17 a pada na nga akusado a sumuko agingga intono bigat, Nobyembre 24 ita a tawen.
Iti interview, inbatad ni Remulla nga iyur-uray laeng ti Department of the Interior and Local Government ti kopya ti warrants tapno mai-draft na ti memorandum nga agpanpanawagan iti isusukon dagiti maseknan agingga intono bigat, aldaw ti lunes.
Inpetteng ni Remulla a no agtultuloy ti panaglemmeng da Co ket maibilang dagitoy a pugante ti hustisya.
Inpasingked ni Remulla nga agusar da ti nadagsen a linteg tapno maarestar ti dati a kongresista ken dagiti pada na nga akusado.
Inburay na pay a ti implementasyon ti warrant kontra ken ni Co ken co-accused na ket joint implementation iti nagbaetan ti Philippine National Police (PNP) ken National Bureau of Investigation (NBI).
Immunan nga inpasigurado ti Philippine National Police nga ipatungpal na ti warrants a maiyataday ti linteg ken aipatungpal daytoy nga addaan ti due process.
