LAOAG CITY – Pormal a nakiddaw iti parliamento ti panagimbestigar da kontra ken ni veteran politician ken dati nga army chief Prawit Wongsuwon kalpasan a tinungpa na ti maysa a reporter a babai idiay Thailand.
Basar iti report, bigla lattan a tinungpa ti lider ti Palang Pracharath Party (PPRP) ti nasao a reporter kalpasan a nagsaludsud maipapan iti baro a prime minister ti Thailand.
Inkalintegan ti pannakangiwat ti partido a ni Prawit ken ti nasao nga agirakrakurak ket nabayagen nga am-ammo da ken ti inaramid ti dati nga army chief ket angaw laeng para iti nasinged kenkuana.
Nupay kasta, saan nga inawat ti Thai Broadcast Journalists Association ken ti News Broadcasting Council ti Thailand ti panagpadespensar ni Prawit isut gapuna a nagsurat da a dagus iti parliamento a rugyan dan ti agimbestigar kontra iti inaramid ti dati nga army chief iti maysa a miembro da.
