LAOAG CITY – Dinayaw ni Mr. Arsenio Dysangco, dati nga assistant coach ti Men’s National Basketball Team ti naidumduma a panagay-ayam ti Milwaukee Bucks nangruna kenni Giannis Antetokounmpo.
Kuna na nga iti biang ti Phoenix Suns ket nadlaw na iti in-inot a panagkaspot da gapu ti kinabannog da agraman iti pannakapukaw ti kumpiyansa dagitoy.
Inbatad ni Dysangco a maysa pay a nakalalagip iti biang ti NBA Finals ti naaramidan ni Giannis no sadinno nga arig nagtultuloy ti puersa na.
Daytoy ket gapu ti lima a blocks a naaramidan na iti Game 6 ken sabali laeng dagiti saan a naipastrek a puntos ti Suns gapu ti panagbuteng da kenkuana.
Inbunannag ni Dysangco a ti dati a wagas ti panagay-ayam ni Gianni ket adda laeng iti outside play idi ta naadal na iti inside play rason a marigatan da a mangpasardeng kenkuana.
Innayon na nga adu to bashers ni Giannis, gapu ta nakapoy iti 3points, free throws ngem napukaw daytoy iti Game 6 gapu ta naipastrek na ti 17 a freethrow manipud iti 19 attempts.
Possible a maartapan na ti naawagan ti King James gapu ta ubing pay ni Giannis ken adu pay ti pagdur-asan na.
Kabayatanna, nakita ni Dysangco ti nagbaliwan ti panagay-ayam ti Bucks manipud Game 1 no sadinno a naabak da gapu kenni Chris Paul agingga a naadal da ti Pick n’ Roll na.
In-inot a napagsardeng da ti Pick N’ Roll ni Paul ken saan da a naaawanan ti namnama.
