LAOAG CITY – Dead on arrival iti Governor Roque Ablan Senior Memorial Hospital (GRASMH) ditoy ciudad ti Laoag ti maysa a lalaki gapu iti maipagarop a cardiac arrest.
Segun ken ni Mrs. Julie Anne Quiroga, Market Supervisor iti Laoag City Public Market and Commercial Complex, kabayatan ti kaadda ti biktima a ni Rommel Guerrero, ken residente iti Brgy. 3 ditoy siudad ti Laoag, iti sango ti comfort room iti maysa a pharmacia ti tiendaan ket kellaat lattan a natumba ken adda ti rimuar a dara iti bibig na.
Inlawlawag ni Quiroga a maipagarop a cardiac arrest ti nakatayan ni Guerrero ket saan a covid-19.
Innayon na nga awan pulos ti nakita a sintomas ti covid-19 iti biktima.
