LAOAG CITY – Adda ti atapen ni Mr. Edwin Quiroga, dati nga empleado ti lokal a gobierno ditoy ciudad ti Laoag no siasinno ti nangipatulod ti bala ken kandila a nagalotan ti nangisit a ribbon.
Kunana a maymaysa laeng a tao ti agar-armiden kenkuana ti kastoy a banag no sadinno nga idi Pebrero ket nakaawat manen ti pangta iti biag.
Inpetteng na nga awan ti sabali a mangaramid kenkuana iti kastoy no diket ti kakonkontra na ken nangrugi nga adda ti maaw-awat na idi sinuportaran na ti maysa kadagiti kandidato iti kina-mayor ditoy ciudad.
Ummuna iti daytoy, kuna ni Quiroga nga intawag kenkuana ti ipag na a ti paper bag a nakaikargaan ti kandila ken bala ken naiyawat iti karruba da nga ubing rason nga inpakammo da iti barangay officials.
Kunana a dagus a kinita dagiti opisyales ti barangay ti CCTV ken inreport da iti PNP.
Segun kenni Quiroga, saan nga ammo ti ubing no siasinno ti nangiyawat kenkuana ti gift bag ngem mairupaan na daytoy.
Inbatad na a basar iti eye witnesses ket uppat nga indibidual ti nakalugan iti kotse a naiyawat iti ubing ken rumrumuar a natandanan pay ti 100 a pisos ti ubing.
Kinumpirmaran pay ni Quiroga nga adda ti na-capture a plate number ti kotse ngem saan a nalawag rason a naiget ti imbestigasyon ti PNP iti agdama.
