LAOAG CITY – Nagpost ti ladawan ni Sen. Robin Padilla mainaig iti sitwasyon ni Atty. Salvador Medialdea a naiserrek iti emergency room ti maysa nga ospital idiay The Hague, Netherlands.
Ni Medialdea ket adda idiay Netherlands tapno agserbi nga abogado ni dati a Presidente Rodrigo Duterte a nakasoan iti International Criminal Court (ICC).
Ibagbaga ti sumagmamano a kakadwa na a possible a naapektaran ti dati nga executive secretary ti nalamiis a panawen iti lugar.
Kabayatanna, nangiparuk-at a dagus ti rakurak ti embahada ti Pilipinas maipanggep iti sitwasyon ni Medialdea.
Inbatad ti embahada a naka-schedule a mapan bumisita ni Medialdea ken ni dati a Presidente Duterte idi napasamak ti insidente.
Naamoan a bayat a manarimaan ti panagrehistro ni Medialdea reception counter ken nakarikna ti saan a nasayaat iti bagina.
Agpapan maisursurat daytoy a damag ket saan pay a nalawag no sadinno nga ospital ti ayan iti agdama ni Medialdea.
