LAOAG CITY – Simmuko kadagiti otoridad ni dati a Federal Bureau of Investigation Director James Comey tapno sangwen ti reklamo a mangibagbaga a ti imahe nga apagbiit nga in-share na iti social media ket pangta iti biag ni President Donald Trump.
Namonganay daytoy manipod iti Instagram post nga in-share ni Comey, no sadinno a naglaon ti imahe ti seashells iti baybay a naurnus a mabasa nga “86 47”.
Ti “Eighty-six” ket slang term para iti “get rid of”, ken ipetpetteng dagiti prosecutors a dagitoy a sarita ket manggutgutigot ti kinadamsak kontra ken ni Presidente Trump.
Naglikudan ni Comey ti alegasyon ken inpasingked na a saanna nga ammo ti kayatna a sawen dagiti nailanad a numero iti post na, ken inakusaran na ti prosekusyon a ti ar-aramiden da ket adda ti maris pulitika na.
Saan a nangiserrrek ni Comey ti plea wenno nagsarita kabayatan ti apagbiit a panagpakita na iti korte iti Virginia.
Inbatad ti abogado ni Comey a ni Patrick Fitzgerald, agkiddaw ti dati nga FBI Director ti dismissal maibasar iti mapili ken vindictive prosecution a mangikalkalintegan nga isuna ket napuntirya gapu iti panagsarsarita na kontra ken ni Trump.
