LAOAG CITY – Nagkiddaw ni Mr. Jayson Baay, dati nga OFW ken residente iti ili ti Vintar ti tulong para iti panagpadialysis na iti sakit na iti kidney.
Inbatad na a mamindua iti maysa a lawas ti panagpadialysis na ken umabot iti 7,200 a pisos ti mausar iti kada dialysis.
Segun kenni Baay, umaboten ti agarup 10 a bulanen a dumaldalan iti dialysis a nangrugi idi bulan ti Mayo 2019.
Kuna na adda ti walo a klase ti agas a tumtumaren na para iti sakit na mamitlo iti maysa nga aldaw ken nangina dagiti agas na.
Innayon ni Baay a no awan ti igatang na iti agas ket libtawan na ti agtumar.
