LAOAG CITY – Nasugatan ti barukong ti maysa a lalaki kalpasan a binagkong ti uliteg na iti Brgy 20, Paratong, Paoay, Ilocos Norte.
Binigbig ni Police Major Eddie Suyat, ti chief of police iti ili ti Paoay, ti biktima a ni Emerson Menor, agtawen ti 45, naasawaan, land agent idinto a ti suspek ket ni Danilo Menor, agtawen ti 62, naasawaan, dati nga OFW ken apada a residente iti nasao a barangay.
Inbaga ni Suyat a basar iti imbestigasyon da, napan agsingir ti suspek iti kaanakan na ngem maipagarop nga insungbat ti biktima ti โANA KAD TI SINGSINGIREM GAGO?โ
Gapu iti daytoy, nakasuron ti suspek ket napan na innala ti kutsilyo iti nagluganan na a kurung-kurong kalpasan na ket inbagkong na iti biktima a nakatamaan ti barukong na.
Naitaray a dagus ti biktima iti Mariano Marcos Memorial Hospital and Medical Center para iti naan-anay a pannakataming na idinto a ti suspek ket simmuko a dagus kadagiti otoridad bitbit na ti kutsilyo a pinangbagkong na iti kaanakan na.
Kuna ti opisyal nga addan iti natalged a kasasaad ti biktima.
Inbatad pay ni Suyat a basar iti impormasyon da ket idi pay 90โs ti utang ti biktima ngem ipetpetteng met ti naud-udi a nabayadan nan daytoy.
Inpakaammo ni Suyat a napilaan dan ti reklamo a Frustrated homicide ti nasao a suspek.
