LAOAG CITY – Dead on arrival ti dati a Sang. Bayan Member iti ili ti Dumalneg kalpasan a nadesgrasya idi kalman idiay Brgy. Poblacion 2 iti ili ti Pagudpud.
Binigbig ni SPO4 Wenceslao Villaflor Jr., chief investigator ti PNP-Pagudpud ti biktima a ni Danilo Bangcud.
Segun kenni Villaflor, nakadinnungpar ti trycicle nga inturong ni Bangcud ti maysa pay a trycicle nga inturong met ti agnagan ni Mario Caliwcaliw.
Rumrumwar iti imbestigasyon a bayat nga agpapaamyanan a direksyon ni Bangcud ket kellaat a nag-U turn rason a nakadinnungpar na ti immovertake a sumarsaruno a ni Caliwcaliw.
Inbatad ni Villaflor a nagsagaba ni Bangcud ti nagduduma a sugat ti bagi na a nangitunda ti pannakatay na idinto a ni Caliwcaliw ket naiyakar iti provincial ospital.
Mainaig iti daytoy, kuna ni Villaflor nga awan pay ti nagsaritaan dagiti dua a kampo.
