LAOAG CITY – Inbatad ni Ukrainian President Volodymyr Zelensky a narigat a makatrabaho ni Donald Trump no maelektaran manen daytoy a mangidaulo iti Estado Unidos.
Nupay kasta, inpaganetget ni Zelensky nga uray kasanu ti karigat a makatrabaho ni Trump ket awan ti problema gapu ta dagitoy ket “hard workers”.
Inbatad ni Zelensky a nakasagana a makitrabaho iti siasinno man nga adda iti turay iti Estados Unidos.
Iti laeng napalabas nga aldaw ket inwaragawag ni Trump ni Ohio Senator JD Vance kas running mate ina iti US Presidential Election a maiyuswat intono Nobyembre ita a tawen.
Maipalagip nga inrakurak ti agtawen ti 39 a senador iti kallabes nga awan ti bibiang na uray ania pay ti mapaspasamak iti Ukraine.
Ado dagiti agamak amangan no ti commitment tio Estados Unidos iti Ukraine ket mapukaw no makasubli ni Trump iti White House.
