LAOAG CITY – Addan iti natalged a kasasaad ita ni dati nga United States President Donald Trump kalpasan iti maipagarup a pananggandat a paltuganda kabayatan a maisaysayangkat ti rally daytoy idiay Butler, Pennsylvania.
Kinumpirmaran ti dati a pannakangiwat ni Trump a ni Steven Cheung a natalgeden ti dati a Presidente ken manarimaan a matamtaming ti sinagabana a sugat.
Inbatad met ni Republican Representative Mike Kelly a kadua ni Trump iti rally a nakangngeg daytoy kadagiti putok ti paltog.
Kinumpirmaran ni Butler County District Attorney Richard Goldinger a dua ti natay pakairamanan ti shooter ken maysa nga attendee.
Naikkan metten ti briefing ni United States President Joe Biden iti White House maipapan iti Trump rally.
Kabayatanna, ti briefing ni Biden ket indauloan da Homeland Security Secretary Alejandro Mayorkas, Secret Service Director Kimberly Cheatle ken Assistant to the President and Homeland Security Adviser Liz Sherwood-Randall.
