LAOAG CITY – Napaneknekan a nagbasol ti Korte iti New York ni dati nga United States President Donald Trump kadagiti amin a 34 counts ti panangpeke ti business records-na.
Binasa dagiti 12 nga hurado ti nasao a findings-da iti sangoanan ni Justice Juan Merchan.
Ti 34 counts ket manipod iti 11 invoices, 12 vouchers ken 11 tseke nga aggapu ken binulan a reimbursement ni Trumps iti panagbayadna ken ni Michael Cohen.
Ni Cohen ket isuna ti nangirepresentar ken ni Trump tapno bayadan ti $130,000 ni adult star Stormy Daniels.
Kasukat ti bayad ket tapno agulimek ni Daniels ken saanna nga ibutaktak a nagkarelasionda ken ni Trump tapno saan a makadadael iti eleksion idi 2016.
Nagyaman ni Judge Merchan kadagiti hurado no sadino manamnama inton Hulio 11 ti panagbasa ti desision ken ni Trump.
Saan nga immannugot ti judge ti kiddaw ti abugado ni Trump a ni Todd Blanche a no mabalin ket ibasura dagiti kaso.
Depensa daytoy a nairuar ating desision nga awan man laeng ti testimonya ni Cohen.
Mamatida a nagkusit ni Cohen iti nasao a kaso.
Ti nasao a petsa ket sumagmamano nga aldaw sakbay iyuswat ti Republican National Convention a mangrugi inton Hulio 15.
