LAOAG CITY – Nakagun-od ti dakkel a suporta ni dati nga United States President Donald Trump iti Iowa state iti Estados Unidos.
Daytoy ket kalpasan ti panagballaigi na iti Iowa caucuses no sadinno a tinambakan na ti botos dagiti kalaban na nga isuda dati nga US Ambassador to the United Nations Nikki Haley ken Florida Governor Ron DeSantis.
Iti datos, 50% dagiti botos a nagun-od ni Trump iti nasao a caucus a maikatlo a nagsasaruno a nomination na para iti presidential bid.
Nagballaigi ni Trump iti baet a sumangsango daytoy ti 91 a criminal charges ken dadduma pay a legal entanglements.
Nupay kasta, inpasigurado ni Trump nga agballaigi iti maikadwa na a termino na kas presidente ti Estados Unidos
