LAOAG CITY – Saan a sardengan ni dati a Senador Ferdinand Bongbong Marcos nga ipakaammo ti pudpuno a resulta ti eleksyon iti kina Bise presidente ti Pilipinas.
Daytoy ti inbaga ti dati a senador iti naangay nga Tan-ok Festival of Festivals kageddan ti maika-200 nga anibersaryo ti Ilocos Norte.
Segun kenni Marcos, agtultuloy ti laban da ken saan da nga sumuko agingga a rumwar ti kinapudno no siasino ti nangabak a Bise Presidente ti pagilian.
Kuna na nga agbabawi danto gapu ta nakasango da ti maysa nga Ilokano kalpasan dagiti inbagbaga ti bangir a kampo a kinaulbod ken nagduduma pay kontra kenkuana.
Pagrebbengan dagiti tattao a maamuan no siasinno ti pudno a mangidaulo kas maikadua a presidente gobyerno ti Pilipinas.
Nagyaman ni Marcos kadagiti taga Ilocos Norte a nangsuporta kenkuana nangruna iti daldalanen na a problema mainaig ti election protest nga in-inoten a maiprosproseso.
Karaman iti selebrasyon da Presidential Spokesman Harry Roque, dati a Senador Jinggoy Estrada, Mayor Bernard Carvalho ti Kauai, Hawaii ken sabsabali a nangangato a personalidad.
