LAOAG CITY – Maibilang a saan nga usto ti datos dagiti iti Philippine Health Insurance Corporation (Philhealth) – number na ditoy probinsya.
Daytoy ti inbatad ni Eduardo Dulatre, Philhealth chief Social Insurance Officer ditoy probinsya.
Kuna na a basar iti datos da ket 85% manipod iti bilang ti populasyon ditoy probinsia ti addaan ti Philhealth coverage ngem iti Department of Health ket 87%.
Inlawlawag na a tapno maurnus ti datos ket masapol a makikoordinar da iti gobierno probinsyal.
Mainaig iti daytoy, inpakaammo ni Dulatre a babaen ti “TAN-OK NI ILOKANO TOWARDS UNIVERSAL HEALTH CARE COVERAGE PROJECT” ket matulungan dagiti umili a mangi-update ti philhealth numberda ken dagiti dependent da.
Innayon na a tapno ad-adda nga agbalin nga epektibo ti nasao a proyekto ket masapol ti tulong dagiti nagduduma a barangay kangrunaan na dagiti barangay nutrition scholars ken barangay health workers.
Inbatadna a convenient daytoy para kadagiti umili gapu ta saanen a kasapulan nga agturong da ditoy ciudad ti Laoag tapno agrehistro wenno i-update ti Philhealth number da ken dadduma pay a nasken a maikorehir.
