LAOAG CITY – Kinumpirmaran ni Mrs. Corazon Calina, Municipal Administrator iti ili ti Bangui a limned ti sumagmamano a paset ti Day Care Center iti Brgy. Malasin iti nasao nga ili.
Segun kenkuana, limned ti nasao a pasdek iti nakurang maysa a metro kalpasan ti Bagyo Falcon.
Malaksid iti limned a pasdek, nagsina ti alad nga inpatakder da ken adu dagiti birrina.
Naamoan a 28 a tawenen sipod naipatakder ti nasao a day care center.
Innayon na a pinabakantean na pay laeng ti center agingga a saan a mainspeksyon ti DPWH.
Iti agdama, temporaryo a pageskwelaan dagiti day care pupils iti Brgy Hall.
Nabalakadan dagiti residente, karaman dagiti agdaldalyasat a saan da mapmapan iti asideg ti nasao a pasdek.
