Agtalek ti Development Budget Coordination Committee (DBCC) a maragpatna ti target revenue a naikeddeng agingga iti tawen 2028.
Iti statement nga inruar ti Development Budget Coordination Committee, kinuna dagiti economic managers a determinadoda a mangkissay iti deficit babaen iti long term investment a mangpataud iti ad-adu a panggedan, nangato a sueldo ken mangkissay iti poverty incidence iti pagilian.
Kinunada a ti fiscal consolidation nga itantandudoda ket karaman ti panangpartak iti revenue efforts iti asidegen ken medium term.
Mainaig iti daytoy, manipud Enero agingga iti Oktubre 2024 ngimmato ti revenue collection ti gobierno iti 16.8% wenno katukag ti P3.77 trillion, ken manamnama a dumanon iti P4.383 trillion inton ngudo ti tawen.
Iti average, ti revenue collection ket adda iti 16.5% iti gross domestic product (GDP) manipud 2025 agingga 2028, ken manamnama a dumanon iti P6.250 trillion agingga iti panagleppas ti Marcos Administration .
Inpaganetget ti Development Budget Coordination Committee dagiti recalibrated legislative measures ket mangparang-ay iti revenue boost ti gobierno kas iti naipaulog a VAT on Digital Service Act.
