LAOAG CITY – Inbatad ni Senate President Vicente Sotto III a napatpateg ti files ti Department of Budget and Management (DBM) files ngem ti maibilang a “Cabral files.”
Iti maysa a virtual press conference, inladawan ti Senate President Senador a maysa laeng a listaan ti Cabral files a mabalin a mabirukan kadagiti ig-igid, maikontra iti rumrumuar a nakapatpateg daytoy.
Kuna na a ti pudno a saludlud ket no adda ti Special Allotment Release Order (SARO) ken no ania nga items iti Cabral list ti adda iti SARO.
Sinaludsud pay ti Senate President no mano ti addaan ti Notice of Cash Allotment tapno maamoan ti aktwal a balor ti naiparuk-at.
Inpaganetget ni Sotto a ti Cabral files ket mabalin ti agilista kadagiti ngan ken proyekto no kayat nga aramiden daytoy, ngem ado dagiti proyekto a maisumsumitir iti kada tawen.
Kabayatanna, nasaludsud pay ken ni Sotto no rumbeng nga imbestigaren ti Senate Blue Ribbon Committee ti nasao a files, ngem insungbat na a saan a rebbeng a pagsayangan ti panawen daytoy ken ti masapol a tutukan ket no ania kadagiti item iti Cabral files ti aktwal a naiparuk-at.
Maipalagip a narekobre ti nasao a files manipod iti pimmusay a dati a Department of Public Works and Highways USec. Catalina Cabral, a maipagarop a naglaon ti budget data manipod iti ahensya, mmaipagarop a listaan dagiti proyekto ken alokasyon iti kada distrito iti nagbaetan ti 2023 ken 2026.
