LAOAG CITY – Plano ni Mamamayang Liberal Rep. elect Leila De Lima nga agbalin a paset ti minority bloc ti House of Representatives kas miembro wenno minority leader.

Inaramid ni De Lima ti rakurak kagiddan ti proklamasion dagiti nangabak a party-lists iti kaliplippas a 2025 midterm elections.

Nupay kasta, inlawlawag met ni De Lima a masapul nga umuna nga adalen ti dynamics dagiti agpanpanday linteg iti 20th Congress ken adalen no ania a komite ti kapintasan nga idauloanna kas chairperson.

Naikeddeng met makitaripnong ni De Lima iti kaalyado a grupo ti partido a karaman iti oposision tapno planoenda ti sumaruno nga agbalin nga addang ti Kongreso.