LAOAG CITY – Naideklara a dead on arrival ti maysa a lalaki kalpasan a nadesgrasya iti paset ti Brgy. 22, Anib iti ili ti Bacarra, Ilocos Norte.
Nabigbig daytoy a ni Edwin Uddon y Paranada, agtawen ti 57, naasawaan, mannalon ken residente ti Brgy. 20, Pulangi iti nasao metla nga ili.
Immuna iti daytoy, nakaawat ti PNP-Bacarra ti tawag babaen kenni Brgy. Chairman Manuel Cadiente iti Brgy. 22, Bani nga adda ti nakita a bangkay iti waig.
Segun ti inisyal nga imbestigasyon dagiti otoridad, maipagarop a ti biktima ket nakalugan ti motorsiklo nga agpaamyanan a direksyon idi ta aksidente na-slide isut gapo na a naitama daytoy iti concrete ken natennag iti waig.
Dagos a naitaray ti biktima iti Gov. Roque Ablan Sr. Memorial Hospital ditoy ciudad ti Laoag ngem naideklara a dead on arrival babaen kenni attending physician a ni Dr. Emmanuel Pichay.
