LAOAG CITY – Naiget a mabanbantayan ti naipadamag a panagngato ti kaso ti kamuras nga agpapada nga ubbing ti makapkaptan ti sakit idiay Bulacan.
Iti datos ti Bulacan Provincial Health Office PHO – Public Health, iti panangtutokda iti kaso ti kamuras iti nasao a lugar ket nairekord ti 27 a laboratory-confirmed cases sipod idi Enero.
Basar iti datos, kaaduan ti makapkaptan ket dagiti ubbing nga agtawen ti lima ken agpababa a saan pay a nabakunaan kontra iti kamuras.
Iti agdamaawan pay ti nairekord a clustering of cases iti aniaman a barangay, basar iti Provincial Health Office-Public Health.
Nadakamat nga alisto nga agwaras ti virus maniud iti angin pakairamanan ti panaguyek, panagatsing ti tao nga addaan ti kamuras.
Rumrummuar a ti virus ket mabalin nga agtalinaed iti angin agingga iti dua nga oras uray awanen ti carrier daytoy basar iti impormasion.
Masansan a sintomas ti ubing nga addaan ti kamuras a nasken nga itaray iti health center wenno ospital ket dagiti nangato ti gurigorna, uyek, panateng, panaglabbaga dagiti mata ken adda ti nalabbaga a lamma iti kudil.
