LAOAG CITY – Agarup 6,900 a bakwit ti nagtalinaed kadagiti evacuation centers iti probinsya ti Rizal.
Daytoy ti inpakaamo ni Mr. Loel “Dong” Malonzo, mangidadaulo ti Provincial Risk Reduction and Management Office iti nasao a probinsya.
Segun ken ni Malonzo, dagiti nagtalinaed kadagiti evacuation centers ket dagiti residente nga adda pay laeng layus iti pagtaenganda ken dagiti asideg iti Laguna Lake.
Mainaig iti daytoy, kuna na adda ti ‘decongestion’ wenno in-inot a pannakaiyakar dagiti bakwit iti sabali nga evacuation center a nagtalawan dagiti immunan a nakasubli iti pagtaenganda.
Inbatad na a daytoy ket tapno maliklikan ti panagdudupodop ken ti panagwaras ti virus.
Kabayatanna, kuna na nga agtultuloy ti clearing operations ken ti in-inot a pannakaisubli ti suplay ti danom ken kuryente.
