LAOAG CITY – Naisayangkat ti Deed of Usufruct Agreement a nagbaetan ti Gobierno Probinsial ti Ilocos Norte ken ti Department of the Interior and Local Government wenno DILG.
Daytoy ket pakaseknan iti pannakaipasdek ti baro nga opisina ti Department of the Interior and Local Government Province iti Brgy. Santa Joaquina ditoy ciudad ti Laoag.
Nakaipalaon ti katulagan ken bileg ti Deed of Usufruct ket ti panangipalubos a mausar ti lote ti probinsia iti Brgy. Santa Joaquina ditoy ciudad nga addaan ti kalawa a 500 square meters a pakaipatakderan ti baro nga opisina ti DILG Province.
Ti Central ken Regional Office ti DILG ti manamnama a mangiparuk-at ti pondo a mausar para iti pannakaipasdek ti baro a DILG Office.
Maipalagip a ti Provincial DILG Office ti awan pay ti permanente nga opisinada agpapan iti daytoy a gundaway gapu ta dagitoy ket agup-upa laeng ti pagyanan.
