LAOAG CITY – Nagsinnungbat ti agsinnumbangir a kampo ni VP Duterte ken iti testimonia ti maysa kadagiti testigo manipud iti National Bureau of Investigation (NBI).
Iti panagdengngeg, nasaludsod ti prosekusion ni NBI Cybercrime Investigation Unit Senior Agent John Mark Calilung mainaig iti maysa nga screenshot ken printout a rakurak ti Armed Forces of the Philippines (AFP).
Kinumpirmaran ti testigo nga agpada ti naglaon ti dua a dokumento.
Mainaig iti daytoy, immapela ti defense counsel a ni Atty. Carlo Narvasa ken kwinestionaranna no kasano nga ipasigurado ti testigo nupay addan iti defense team ti prinout a dokumento. Kuna pay ni Narvasa a maipagarup nga adda sursurotenna a maysa nga script ti tesigo.
Insigida met a naglikudan ti prosekusion. Kiniddaw ni House prosecutor Atty. Virgil Ligutan nga ikkaten iti record ti nasao a rakurak ken inpettengna a natingiting nga umuna ti testigo ti dokumento sakbay a maipaima iti kampo ti depensa.
Agtultuloy met nga idasdasar ti prosekusion dagiti ebidensia mainaig iti maika-uppat nga articles of impeachment, pakairamanan dagiti video clip ti maipagarup a pangta ni Vice President Duterte kontra ken ni Presidente Ferdinand Marcos Jr., First Lady Liza Araneta-Marcos, ken dati a House Speaker Martin Romualdez.
