LAOAG CITY – Impaganetget ti defense team ni Bise Presidente Sara Duterte a ti abogadoda a ni Atty. Kristine Ferrer, ket awan ti panggepna a di respetaren ti House private prosecutor a ni Atty. Lorna Kapunan kalpasan ti nabara nga argumentoda iti impeachment trial iti Senado.
Daytoy ket kalpsan a nangipaay ti reaksion ni Atty. Kapunan iti media idi napagsaludsodan maipapan ken ni Atty. Ferrer ti maipagarup a panangtratona kenkuana.
No sadinno nga nbatad ni Atty. Kapunan a pinadakkelna dagiti annakna a buyogen ti panagraem ken namnamaenna a kasta met ti aramiden ti abogado ti depensa.
Segun kenni defense lead counsel a ni Atty. Michael Poa, para kenkuana, mabalin nga iti dayta a gundaway ket highly-charged ni Atty. Ferrer no sadinno a kinunana a tunggal abogado ket addaan iti bukodna nga estilo.
Mainaig iti daytoy, saanen a kayat ni Atty. Poa ti mangipaay ti pammabalaw gapu iti nagbalin a sungbat ni defense lead counsel Atty. Sheila Sison iti nagbalin a post ni private prosecutor Amando Ligutan ti maipagarup a panangipalubosna kadagiti misleading questions.
