LAOAG CITY – Magarsakan ti defense team iti nagbalin a ruling ti presiding officer kalpasan a kiniddawda a liklikan ti panagusar iti saan a maitutop a pagsasao iti agtultuloy nga impeachment trial iti Senado.
Naammuan a nangipila ti defense counsel iti manifestation tapno ipalagip ti prosecution a liklikan ti agusar kadagiti balikas a kas iti “scam,” “mastermind” ken “lying” iti panangusig.
Segun kenni Atty. Michael Poa, maawatanna nga adda estratehia ti prosecution ken “mindful” da kadagiti balikas nga iruruarda.
Innayon ni Poa a napateg a nabalinanda nga inapelar daytoy nangruna iti daytoy a panawen a napardas ti social media nga uray mapunas dagitoy a balikas, adda latta biag iti panunot ti publiko.
