LAOAG CITY – Nagkiddaw ti defense team ni dati a president Rodrigo Duterte iti International Criminal Court (ICC) Trial Chamber nga ibilin iti prosekusion a limitaran ti bilang dagiti ebidensia iti kaso kagiddan ti panagngatona iti agarup 1,000%.
Nangipila ti mosion ni Defense counsel Peter Haynes a mangkiddaw iti Trial Chamber a limitaran ti ebidensia iti 10,000 items agingga iti Oktubre 7.
Inbatad ni Haynes a ti kalidad dagiti nainayon nga ebidensia ket ‘abysmal’ wenno extremely poor.
Kinunana a ti deadline ti defense team tapno mangipila ti pre-trial brief ket intono Oktubre 30 bayat a mangrugi ti panangusig inton Nobiembre 30.
Sumangsango ni Duterte ti kaso a crimes against humanity ainiag iti pannakatay kadagiti naruay nga indibidual bayat iti kampaniana kontra ti illegal a droga.
