LAOAG CITY – Agsapsapul ti defense team ni Vice President Sara Duterte iti impeachment trial na ti baro a spokesperson a mangsukat ken ni Atty. Michael Poa, kalpasan ti pammilin ni presiding officer Senator-Judge Chiz Escudero a nangiparit kadagiti senador-judges ken prosecution ken defense lawyers a mangdiskusion iti merits ti kaso iti sango ti publiko.
Kinuna ni Escudero a ti pangngeddeng ket maitunos iti Article 18 ti Rules on Impeachment, a mangipaay a ti presiding officer, dagiti kameng ti Senado, “shall refrain from making any comments and disclosures in public pertaining to the merits of a pending impeachment trial” ken “the same shall likewise apply to the prosecutors, the person impeached, and their respective counsel and witnesses.”
Malaksid ti panagbalin kameng ti defense panel ni Poa, daytoy met ti personal a pannakangiwat ni Duterte. Kinunana a kinanselanan ti sumagmamano nga interbiu gapu iti nasao a ruling.
Kabayatanna, kinuna ni Poa a saan pay a nasarakan ti defense team ti baro a spokesperson.
